دي قصتي حصلت لي من حوالي 19سنه ومش من الخيال .

كنت ح اتجوز جديد واخدت شقه في اخر دور بتاع حمايه وكان عباره عن شقه غرفه واحده وحمام ومطبخ والباقي سطح وكان مربين خرفان وطيور في السطح المهم بدات اظبط الشقه واشيل كل الذبابه ومخلفات الخرفان والطيور من السطح وعملت غرفتين من السطح وتمام كده واتجوزت وعدي عليا اسبوعين ويعدين كنت بسمع صوت رجلين جي من الحيطه وكان حد طالع من علي سلام الجار الي جانبي اسال مراتي تقولي ده صوت من الجيران ما كنتش اخد في بالي

شويه وأقوم مفزوع وكان في صوت جرار حرث فوق السقف واسال مراتي تقولي ده ماتور الدش بتاع بابا وقلت عادي

نخرج نتفسح ومافيش حد في الشقه و اخت مراتي تجي تخبط علينا وتقسم انها سمعت مراتي تقولها من جوه حاضر جايه افتح وتفضل تستني وما يتفتحش وتزهق وتنزل زعلانه وتقابلنا ونحلف لها اننا كنا بره وماتصدقش وكذا واحد يحصل معاه نفس الموقف ويحلف ان ده حصل وكنا بنقول عادي المهم بعد حوالي شهرين كنت نايم وصحيت لقيت مراتي بتخبطني باديها وصحيت فتحت النور لقتها كانها بتتخنق قمت وحاولت افوقها وقلت انها بتحلم لكن فجاه لقيت عنيها مفتحه وكلها بياض وصوتها اتغير بصوت واحده وقالت انا لازم اموتها وانتقم منك فقلتها انتي مين قالت انا الملكه لملمه من عمار المكان وانت هديت القصر بتاعي الي كان في السطح لما كنت بتوضب الشقه وحاولت احظرك وانت مش فاهم

فقلتلها طيب هي مالها بتخنقيها ليه فقالت علشان انتقم وهي تموت وتسيب الشقه فقلتها يا لملمه انا ما كنتش اعرف ان هنا في مملكه فقالت انت الي غلطت لانك لم تسمي الله زي ما بتقولوا ولو كنت قلتها كنت ح امشي بسهوله لكن انت الغلط ولازم انتقم منك ولقيتها بتخنق زوجتي المهم قرأة عليه قران لغايه ما فاقت وقالتها علي الي حصل وما صدقتش حاجه مراتي وقالت انت عاوز تخوفني وبس فقلتها اها بهزر معاكي وسكت

تاني يوم حلمت بكابوس بان غرفة النوم بتولع وانا واقف في الصاله وبعدين خرجت جثه مكفنه من الغرفه وفكيت الكفن ولقتها زوجتي ميته صحيت مفزوع ولقيت مراتي قاعده علي السرير وعينيها كلها بياض وبتقولي بنفس الصوت للملمه.انا وريتك الي ح اعمله فيك فقلتلها طيب انا عاوز ارديكي اعمل ايه فقالت انا مسيحيه و ما تشغلش قران في الشقه خليه في اوضه بعيده وصلي كمان صلي فيها وبس فقلتها حاضر بسيطه وعملت كده فعلا والدنيا هديت شويه وكان كل شويه اسمع نفس الاصوات الي جيه من الحيطه والماتور الي فوق السقف وكمان كانت مراتي تقسم انا شايف قطه ماشيه في الشقه وراي وبتتمسح فيا وانا مش شايفها وكانت بتحلم بكوابيس علي طول وبتشوف خيالات دخان علي شكل بنات وشعرها طويل اسود وكنت بصبرها وبعد سنتين السكان الي في الدور الارضي تركوا الشقه ونزلت انا تحت وقعنا سنتين الدنيا حلوه ومفيش حاجه وفجاه كنت نايم ولقيت مراتي راحت خبطاتي في وشي فقمت مزعور ولقيتها قاعده في نص السرير زي زمان ونفس العين البيضه وصوت الست لملمه بتاعت زمان فقلتلها خير احنا مش خلصنا وسبتلك المكان كله رجعه ليه قالت ما تخافش انا حبيتك وعلشان كده انا نزله علشان ارد ازي معمول لك وفجاه لقيت نفسي بحلم بان في واحده ست تخينه واقفه بضهرها علي سرير بدرين بتاع الاولاد ومسكاه وكانها حارسها وصحيت من النوم لقيت مراتي زي ماهيه قاعده في نص السرير ونفس العين والصوت وقالت انا قلتلك انا جايه ارد ازي عنك قلتلها والعيال طيب قالت انا وريتك ان في حد حارسهم دي زبيده مسلمه من عمار المكان عندك

اسمع الكلام ده كويس واعمل بيه كان في حد عامل ليك سحر بالازي ليك ولمراتك وكان جي ليك جن مؤزي وانا حاربتهم واخدت انا الاذي بدل منه ودلوقتي انا حصنت الشقه كلها وح اتحرق علشان عرفتك حجات كتيره ما ينفعش تعرفها ومفيش وقت كتير انا شايفهم جايين ياخدوني اخر حاجه لازم تكنس الشقه كلها بالملح علشان الرماد بتاعي في الشقه كلها وارميه في الحمام اوعي ما تكنس الشقه ده غلط عليك وفجاه سمعت صوتها وهي بتصوت بصوت عالي وكان حد بيتحرق فعليا ومراتي لقتها اترمت علي السرير واغمي عليها ولما فاقت كنت رشيت ملح في الشقه كلها وكنست الشقه ولاحظت ان في رماد خارج من الكنس فعلا لمينه ورميته في الحمام ولما خلصت كانت مراتي فاقت من الغيبوبه فحكيت ليها الي حصل وطبعا كان ردها انت لازم تخوفني ما خلاص سيبنا الشقه من زمان فقلتلها خلاص خلصنا وكانت بتسهر لغايه الفجر تتفرج علي التليفزيون وعلي الساعه 3 بليل لقيتها بتصحيني وتقولي انت كلامك صح فقلتلها كلام ايه قالت علي موضوع لملمه فقلتلها وعرفتي منين قالت شوفت 4 وصيفات من خدمها خرجوا من الحيطه علي شكل دخان وقصيرين وشعرهم طويل اسود وفضلوا يدوا عليها في الدولاب والادراج والاوضه كلها وانا بنزلت تحت اللحاف وكنت شيفاهم حولينا وفجاه دخلو في الحيطه تاني

ومن ساعتها والحمد لله ما حصلش حاجه تاني في الشقه

دي قصتي والله العظيم حصلت بالفعل وما فيهاش كذب